“Il cûr de imagjin al è il soreli che si jeve di une mont blu. Il soreli al è la lûs che e disvele, la energjie che e palese lis culturis minorizadis, lis vôs dismenteadis e lis areis margjinalizadis. A son po figuris umanis che a sunin o che a cjantin. Un cjant coletîf, cuasi rituâl, che si sparnice in armonie dulintor.
Par dongje o vin figuris mitologjichis, parcè che i mîts e lis liendis a vivin ancjemò tes nestris tradizions e a son part de nestre identitât plui profonde. O vin i lôfs, simbul dal nestri element plui salvadi e ancestrâl, che si dan dongje di un fûc: un altri element primordiâl, vîf e vivarôs. Un fûc che al resist e che nol vûl murî. Un fûc che al bruse par fâ sintî la sô vôs".
La imagjin e je di Stef Dupont
SUNS Europe al è il Festival european des arts performativis in lenghe minorizade.
Al è un lûc là che a puedin cjatâsi e confrontâsi i artiscj, lis lenghis e lis comunitâts che in dut il continent a tirin fûr la lenghe par contâsi di un pont di viste unic.
